I write then I'm right

Malala na ito... tinatamad na naman kasi ako mag-blog.

Nakaka-pressure kasi minsan ang magsulat. Parang hindi tunong ComArts grad noh? hahaha.

College pa lang ako... sa Creative Writing class ko kay Ms. Layeta Bucoy, kinakitaan na ako ng excemptional na galing sa.. katamaran.

Kailangan kasi... ok rephrase: Requirement kasi na mag blog kami every week ata yun or every day... syempre.. ginawa ko naman.

Kinalkal ko mga lumang blogs ko sa friendster at isa isang nilapat sa blog ko sa multiply (kung saan yun chinecheck ang mga blogs)

Minsan... once a week lang din ako mag-update, tapos maglalagay na lang ako ng tatlong entries... parang wholesale. hindi tingi tingi.

Pero.. don't get me wrong.. masayang mag-blog. Nasisiyahan ako pag nagsusulat.
May mga klase din ako nung college na napuri mga sinulat ko. May mga instance pa na nabigyan ako ng libro ng prof ko dahil sa kagalingan ko in a major major way. Pero feeling ko nasipagan lang siya sakin kasi madami akong sinubmit na short stories na ginawa ko noon.

Nabigyan ako dati ni Sir Dennis Aguinaldo ng Pugad Baboy na komiks dahil sa isang alamat na sinulat ko. Alamat ng Freedom Park ata yun. Hindi yun ang first prize, (muntik ko ng masungkit actually e, kung hindi lang umepal yung "Alamat ng Kape sa Los Banos" na mas weird ang kwento kesa sa akin)

After a year ata or two, naging Prof ko ulit si Dennis Aguinaldo, nanalo na naman ako sa kanya ng libro. namigya kasi siya ng books niya na mga luma at muntik ng bahain nung panahon ng milenyo sa kanyang library.. este bahay.
Kung hindi pa naman ako ang maging "best in review" nun. nagpasa ako ng apat na reviews ko ng short story, pero isa lang naman talaga ang pinapagawa niya. ahahaha. oo dinadaan ko din sa paramihan.

Nung binabanggit na yung grading, student number lang ang sinasabi tapos yung total grade... tapos na niya banggitin lahat... sinara na niya yung parang logbook ng mga teacher, pero parang di ko narinig yung student number ko??
Kaya nagparinig ako: " Shet parang di ko narinig yung akin."

Nakaramdam naman yung prof ko..infernes.. kaya mega ulit ulitan siya ng pagsabi ng grade ko:

04-01673...200++ eklabu cheverlanever.. (syempre hindi ganyan ang pagkakasabi niya. Nakalimutan ko na kasi yung saktong grade.. basta mataas, na ikinagulat ng mga kaklase ko kung sino ang henyong nag mamay ari ng gradong lagpas pa na sa orihinal na grading system. wala naman sa mukha ko ang magkakaron ng ganung grade kaya kebs na nila sakin

Nung unang sabak ko naman nung college, may sinalihan akong contest na gagawa ng tula para sa Student Office eklabu...

kahit na pag binabalikan ko yung sinulat ko noon.. at nakokornihan ako pag binabasa ko ngayon ( at ni hindi ko na nga ata alam o tanda kung sansan cosmetics ko inilagay yung softcopy at hardcopy ko nun), nanalo ng first prize at isang medalyon ang pyesang iyon.

..itutuloy